“Qazprom” Kiyevin təsdiq etdiyi həcmdə Ukrayna ərazisindən tranzitlə Avropaya qaz tədarük edir. Tədarük noyabrın 25-nə sutkada 39,7 milyon kubmetr olub.

Valyuta.az TASS-a istinadən xəbər verir ki, bu barədə Rusiya korporasiyasının nümayəndəsi bildirib.

Təchizat "Sudja" qaz ölçmə stansiyasından keçir. Cümə və cümə axşamı oradan vurulan Rusiya yanacağının həcmi sutkada 42,4 milyon kubmetr təşkil edib. “Qazprom”un nümayəndəsi dəqiqləşdirib ki, Ukrayna tərəfi "Soxranovka" stansiyası vasitəsilə qaz tədarükü ilə bağlı müraciəti rədd edib.

Ukrayna ərazisindən keçən tranzit xətti hazırda Rusiya yanacağının Mərkəzi və Qərbi Avropa ölkələrinə çatdırılması üçün yeganə marşrutdur. Qaz kəmərlərində baş verən qəzalardan sonra “Şimal axını”nda nasoslar tamamilə dayandırılıb. “Türk axını” və “Mavi axın” vasitəsilə Türkiyəyə, Cənub-Şərqi və Cənubi Avropa ölkələrinə tədarük edilir.

Avropa İttifaqı 2023-cü ildə Rusiya maye qazının ən böyük idxalçısı olub və onun alışına 6,6 milyard dollardan çox xərcləyib. "Qazprom"un rəhbəri Aleksey Miller noyabrın 11-də bildirib ki, Rusiya qazından imtina etdiyi iddia edilən Avropa ölkələri onu Avstriyanın Baumqartendəki mərkəzi vasitəsilə idxal etməyə davam edir. Miller vurğulayıb ki, Rusiya qazı Avropa bazarında “kiçik həcmdə deyil”.

Paşa Məmmədli