Ukrayna hökuməti tikinti sənayesində ən böyük alman sərmayəçisi olan "Knauf"u da əlavə etməklə "müharibənin beynəlxalq sponsorları" siyahısını genişləndirib. 

Valyuta.az xəbər verir ki, bu barədə ölkənin Korrupsiyaya Qarşı Mübarizə üzrə Milli Agentliyinin (NACP) rəsmi "Telegram" kanalında məlumat verilib.

Açıqlamada bu qərarın şirkətin Rusiya bazarını tərk etməkdən imtina etməsi səbəbindən verildiyi bildirilib. Departamentin məlumatına görə, 2022-ci ildə alman təşkilatı Rusiya büdcəsinə 117 milyon dollar vergi ödəyib.

"NAPC tikinti sənayesindəki ən böyük alman investoru "Knauf"u müharibənin beynəlxalq sponsorları siyahısına əlavə edib", deyə nəşr yazır.

Kiyev Rusiyanın hərbi əməliyyatı ilə bağlı "müharibənin beynəlxalq sponsorları"nın siyahısını tərtib etməyə başlayıb. Eyni zamanda, NAPC nümayəndələri dəfələrlə qeyd ediblər ki, bu yolla onlar xarici şirkətləri Rusiya Federasiyasında iş görməkdən imtina etməyə məcbur etməyə ümid edirlər.

Noyabrın əvvəlində Ukrayna rəhbərliyi İsveçrənin "Nestle" şirkətini "müharibənin beynəlxalq sponsorları"ndan biri kimi tanıyıb. Şirkətin özü qeyd edib ki, rəhbərliyin Rusiya bazarını tərk etməkdən imtina etməsi yerli filialların işçilərinin narahatlığı və zəruri malların tədarükü ilə bağlıdır.

Paşa Məmmədli