Sankt-Peterburq Beynəlxalq Mal və Xammal Birjasında (SPIMEX) noyabrın 23-də keçirilən ticarətin yekunlarına görə, Aİ-92 və Aİ-95 markalı benzinin qiyməti orta hesabla 3% ucuzlaşıb. 

Valyuta.az xəbər verir ki, bunu ticarət məlumatları sübut edir.

O cümlədən, Aİ-92 markalı benzinin qiyməti 3,14% azalaraq bir ton üçün 47 661 rubl (915 azn), Aİ-95 markalı benzinin qiyməti isə 2,9% azalaraq 50 122 rubl (963 azn) təşkil edib.

Eyni zamanda, yay dizelinin dəyəri 1,1% azalaraq bir ton üçün 56 489 rubl (1085 azn), mövsümdənkənar dizel yanacağının bir ton üçün 0,92% azalaraq 56 225 rubl (1080 azn), qış dizelinin bir ton üçün 0,68% azalaraq 69 304 rubl (1331 azn) təşkil edib.

Eyni zamanda, soba mazutu 4,76% artaraq bir ton üçün 16 184 rubl (311 azn), təyyarə yanacağının qiyməti isə 4,26% artaraq 81 096 rubl/ton (1558 azn) olub. Urals və Sibirdə LPG 2,17% ucuzlaşaraq ton üçün 30,41 min rubl (579 azn) təşkil edib.

Bundan əvvəl  Rusiyada ekspertlər benzin ixracına qoyulan qadağanın aradan qaldırılmasının təsirini qiymətləndiriblər. Ekspertlərin fikrincə, yaxın gələcəkdə Rusiya Federasiyasında yanacağın qiymətinin aşağı düşəcəyini gözləmək lazım deyil, bundan əlavə, Maliyyə Universitetinin baş elmi işçisi Stanislav Mitraxoviçin fikrincə, ixracın ləğvi son nəticədə neft şirkətləri üçün daha yüksək vergilərə səbəb ola bilər.

Nicat