"Türk lirəsi ucuzlaşmağı dayandırıb və tezliklə möhkəmlənə bilər".

Valyuta.az xəbər verir ki, bunu Türkiyə prezidenti Rəcəb Tayyib Ərdoğan deyib.

Türkiyə liderinin sözlərinə görə, lirənin ucuzlaşması başa çatıb və hazırda valyutanın dollar qarşısında möhkəmlənməsi ehtimalı yüksəkdir.

Noyabrın əvvəlində lirə tarixi minimumunu yeniləyərək, bir dollar üçün 28,6 lirəyə düşüb. Və elə 2023-cü ilin əvvəlindən lirə dəyərinin yarıdan çoxunu itirib.

Bir sıra ekspertlərin fikrincə, Türkiyənin milli valyutasının çökməsinə səbəb iqtisadçıların tövsiyələrinə məhəl qoymayan hökumətin maliyyə siyasətidir.

Qeyd olunur ki, Türkiyə Mərkəzi Bankının əsas faiz dərəcəsini 35%-ə yüksəltməsi belə ölkəni inflyasiyanın 68%-ə yüksəlməsindən xilas etməyəcək. 

Paşa Məmmədli