2022-ci ilin payızında 31 yaşlı Edvin Kastro Poverball lotereyasında iki milyard dollardan çox udub, lakin Xose Rivera adlı şəxs iddia edib ki, əslində uduşlu bileti alan odur və buna görə qalibi məhkəməyə verib. 

Valyuta.az xəbər verir ki, bu barədə The US Sun  yazır.

Rivera bildirib ki, aldığı bilet onun otağında stolun üstündə olub və ev sahibi Uraçi Romero tərəfindən oğurlanıb. Bundan sonra lotoreya hansısa şəkildə Kastronun əlinə keçib. Eyni zamanda, Romero bildirib ki, guya kirayəçi şəxs ona həqiqətən uduşlu Powerball biletini göstərib.

Noyabrın 13-də Kaliforniya Lotereya Komissiyası vəkil David DePaoliyə biletin alındığı Kaliforniya ştatının Altadina şəhərindəki Joe's Service Center-in təhlükəsizlik kamerasının görüntülərinə baxmağa icazə verib. Vəkilin sözlərinə görə, o, şəxsən əmin olub ki, tarixdə ən böyük lotereya cekpotunu qazanan uduşlu Powerball biletini məhz Kastro alıb.

Daha sonra Rivera yalan məlumat verməkdə ittiham olunub. Onun işi üzrə məhkəmə iclası dekabrın 1-nə təyin edilib.

Bundan əvvəl The New York Times yazıb ki, bir amerikalı lotereyada 1,76 milyard dollar (169 milyard rubl) udub, ABŞ tarixində ikinci ən böyük uduşu və tarixdəki ən böyük Powerball cekpotlarından birini əldə edib. Mükafatın qalibinə seçim imkanı verilir: ya bütün məbləği 29 il ərzində hissə-hissə alır, ya da bir dəfə 774 milyon dollar alır. Uduşlarına görə o, məbləğin 24-37%-i həcmində vergi ödəməlidir.

Nicat