Birləşmiş Ştatlar ərəb ölkələrinin neftdən silah kimi istifadə etməyəcəyinə əmindir. 

Valyuta.az xəbər verir ki, bu haqda Dövlət Departamentinin enerji təhlükəsizliyi üzrə baş müşaviri Amos Hochstein Financial Times (FT) qəzetinə müsahibəsində deyib. O qeyd edib ki, neft ticarət tarixində silah kimi vaxtaşırı istifadə olunsa da, hazırda belə hallara rast gəlinmir.
 
Hochstein vurğulayıb ki, Birləşmiş Ştatlar və Səudiyyə Ərəbistanı da daxil olmaqla Körfəz neft hasil edən ölkələr arasında əməkdaşlıq güclü olaraq qalır. O, həmçinin əlavə edib ki, ərəb ölkələri ABŞ-ın mövqeyini yaxşı başa düşür və onların fikirləri həmişə üst-üstə düşməsə də, birgə işləməyi bacarırlar.

Hochstein OPEC+ neft hasilatının azaldılması və Səudiyyə Ərəbistanı və digər neft istehsalçıları ilə danışıqların uzadılması ilə bağlı sualları şərh etməkdən imtina edib, lakin müxtəlif məsələlər üzrə müntəzəm təmasların mövcudluğunu qeyd edib.

Nicat