Hindistan və ABŞ hakimiyyəti investorların diqqətini Cənubi Asiya respublikasına cəlb etmək üçün yeni fond təsis edib. 

Valyuta.az xəbər  verir ki, bunu Hindistanın sənaye və ticarət naziri Piyuş Qoyal Asiya-Sakit Okean İqtisadi Əməkdaşlıq Təşkilatının (APEC) sammitində iştirakından sonra jurnalistlərə açıqlamasında deyib.

"Bu gün biz hər iki ölkənin hökumətlərinin fəal şəkildə töhfə verəcəyi yeni fondu işə saldıq və ümid edirik ki, bu, böyük kapitalın indi diqqət çəkməsi və Hindistana sərmayə qoymağa diqqət yetirməsi üçün katalizator rolunu oynayacaq", - o deyib.

ABŞ prezidenti Co Baydenlə kənarda keçirdiyi qısa görüşə münasibət bildirən Qoyal Hindistan və ABŞ-ın iqlim dəyişikliyi ilə bağlı məsələlərdə eyni fikirdə olduğuna diqqət çəkib. 

"Dünən axşamkı görüşdə Bayden baş nazir Modiyə salamlarını çatdırdı və etiraf etdi ki, ətraf mühitin deqradasiyasına birbaşa cavabdeh olmayan ölkələr bundan ilk növbədə ən çox əziyyət çəkən ölkələrdir", - Qoyal deyib və qeyd edib ki, Hindistan və ABŞ birlikdə daha sıx işləməyə qərar veriblər.

Qeyd edək ki, APEC sammiti noyabrın 15-17-də keçirilir. APEC-ə 19 ölkə və iki ərazi daxildir.

Nicat