ABŞ -da fəaliyyət göstərən "Bloomberg" telekanalı Çində bizneslərini uşaqlarına təhvil verməyə hazırlaşan milyarder ailələri müzakirə edib.

Valyuta.az xəbər verir ki, "Bloomberg"ə görə, ümumi sərvəti 120 milyard dolları keçən ən azı 11 çinli ailə şirkət rəhbərliyini uşaqlarına ötürmək üçün addımlar atır. Avtomobildən biotexnologiyaya, enerjidən dərmana qədər bir çox sektorda fəaliyyət göstərən şirkətləri ələ keçirəcək varislərin yaşı isə 40-ı keçmir. Ailə şirkətlərinin yeni bossları olmağa hazırlaşan varislər artıq şirkətlərdə onlara həvalə edilmiş yüksək səviyyəli rolları yerinə yetirərək idarəçiliyə hazırlaşırlar. 

Əslində, 120 milyard dollarlıq sərvət aysberqin görünən tərəfidir. Çünki çində sərvət partlayışı hələ 40 il əvvəl ölkədə sərmayəçilərə sərbəstlik verilməsi ilə birlikdə başlayıb və aradan keçən dövrdə Çinin ən böyük şirkətlərinin ümumi dəyəri bir trilyon dolları keçib. Bu şirkətlərin təsisçiləri hazırda pensiya yaşına yaxınlaşır və biznesi gələcək nəslə təhvil vermək üçün hazırlıq görürlər.

Varislərin demək olar ki, hamısı oxşar şəkildə şirkət idarəçiliyinə hazırlaşır: ABŞ və ya Böyük Britaniyada təhsil almaq, ailə biznesində işə başlamaq üçün Çinə qayıtmaq və ailəyə rəhbərlik etmək. Qlobal ailə bizneslərini tədqiq edən Sinqua Universitetinin PBCSF Araşdırma Mərkəzinin direktoru Hao Qao biznes transfer planının adi vaxtdan tez həyata keçirildiyini bildirib. Hao bunun səbəbini ailələrin çətin iqtisadi şəraitlə bağlı narahatlıqları səbəbindən daha yumşaq keçid prosesinə üstünlük vermələri ilə izah edib.

Elmir