ABŞ -da investor Randal Atkinsin 12 il əvvəl iki milyon dollara aldığı kömür mədəninin dəyəri 37 milyard dollara yüksəlib.

Valyuta.az xəbər verir ki, Vayominq ştatının Şeridan bölgəsində yerləşən "Ramaco Resources" metallurgiya kömür şirkətinin baş direktoru Atkinsin mədənində aparılan araşdırmalar yerin altında nadir torpaq elementlərinin (REE) tapıldığını üzə çıxarıb. ABŞ Energetika Departamentinə bağlı Milli Enerji Texnologiyası Laboratoriyasının (NETL) qrupları tərəfindən bir müddətdir aparılan araşdırmada, təxminən 65 min kvadrat kilometrlik ərazinin demək olar ki, dörddəbirində 1,1 ton nadir torpaq nümunələri aşkar edilib.

Sentyabrda şirkətlə paylaşılan sınaq nəticələrinə görə, bunlara neodim, praseodim, disprosium və terbium kimi torpaq elementləri daxildir. Şirkət bölgədə araşdırmaların davam etdiyini və daha çox nümunənin çıxarılaraq laboratoriyaya göndəriləcəyini bildirib. ABŞ-ın qabaqcıl qəzetlərindən biri olan "Wall Street Journal"a danışan 71 yaşlı Atkins, nəticələri aldıqda şoka düşdüyünü ifadə edib. Xəbərdə bunun, 1952-ci ildən bəri ABŞ-da aşkar edilən ilk yeni nadir torpaq elementi mədəni olduğu bildirilib. 

"Ramaco Resources"in CEO-su yeni kəşfin çox əhəmiyyətli olduğunu, nadir torpaq elementlərinin bu cəmiyyət üçün tamamilə fərqli üfüqlər açdığını bildirib.

Elmir