İdman geyimləri istehsalçısı Nike New Balance və Skechers şirkətlərini patentləşdirilmiş idman ayaqqabısı üst texnologiyası üzərində əqli mülkiyyət hüquqlarını pozmaqda ittiham edərək məhkəməyə verib. 

Valyuta.az xəbər verir ki, bu barədə Nike şirkətinin Kaliforniya və Massaçusets ştatlarının rayon məhkəmələrinə təqdim etdiyi iddialarda deyilir.

Materiallarda iddia olunur ki, Skechers və New Balance müəllif hüquqları sahibinin "icazəsi olmadan Nike-nin Flyknit texnologiyasından istifadə edib". Nike nümayəndələri dəymiş ziyana görə maddi təzminat tələb edir, həmçinin məhkəmələrdən “New Balance və Skechers-in patent qanunlarını pozmasının qarşısını alacaq” tədbirlər görür. Şirkətin iddiaları New Balance-ın Fresh Foam və FuelCell xətləri, həmçinin Skechers-in Ultra Flex və Glide Step modelləri ilə bağlıdır.

Eyni zamanda, New Balance cavab bəyanatında "rəqiblərin əqli mülkiyyət hüquqlarına tam hörmət etdiyini" göstərib, lakin Nike "sənayedə istifadə olunan oxşar texnologiyalardan istifadə edərək ayaqqabı hazırlamaq və onilliklərdir istehsal etmək üçün müstəsna hüquqa sahib deyil", - Reuters qeyd edir.

Daha əvvəl Nike şirkəti Flyknit texnologiyasından qeyri-qanuni istifadə etməkdə günahlandırılan Adidas, Puma və Lululemon-u məhkəməyə vermişdi.

Nicat