Almaniyanın maliyyə naziri Kristian Lindner eyni maaşları saxlamaqla dörd günlük iş həftəsinə keçmək fikrini kəskin tənqid edib.

Valyuta.az xəbər verir ki, bu barədə Business Insider məlumat yayıb. 

Onun fikrincə, tarixdə heç bir cəmiyyət az işləməklə rifaha nail olmayıb. "Bizim tərəqqimizin açarı zəhmətdir", - Lindner deyib. Almaniya Maliyyə Nazirliyinin rəhbəri biznesyönlü Azad Demokratlar partiyasına rəhbərlik edir. Onun sözlərinə görə, bir çox şirkət pandemiya zamanı çevik işə keçdikdən sonra iş həftələrinin qısalması ilə bağlı qlobal müzakirələrin vaxtı yetişib. 

Almaniyada may ayında keçirilən sorğunun nəticələrinə görə, respondentlərin 73%-i maaşları saxlamaqla 4 günlük iş həftəsinə keçidi dəstəkləyir. 17% bu yeniliyə qarşı çıxıb. 

Bununla belə, fevralın 1-dən 50 alman şirkəti dördgünlük iş həftəsinin tətbiqi üzrə pilot layihəyə başlayacaq. Analoji təcrübə artıq Böyük Britaniyada da aparılıb. Eyni zamanda, əksər iştirakçılar stres səviyyəsinin azaldığını və məhsuldarlığın artdığını qeyd ediblər.

Nicat