Noyabrın 1-nə olan məlumata görə, dünyanın ən varlı 10 adamının sərvəti bir ay əvvəlkindən təxminən 50 milyard dollar azalıb.

Valyuta.az xəbər verir ki, bu barədə "Forbes"də məlumat yer alıb. Məlumata görə, hazırda dünyanın ən zəngin 10 adamının ümumi sərvəti 1,32 trilyon dollardır. Lakin bu, bir ay əvvəlkindən təxminən 50 milyard dollar azdır. Azalmanın 2/3-dən çoxdu İlon Maskın payına düşüb. Belə ki, onun sərvəti oktyabr ayında 35 milyard dollar azalıb. 

Buna baxmayaraq, Mask hələ ki, siyahıyanın başında yer alıb. 2023-cü ilin ilk yarısında fransız lüks mallar maqnatı Bernard Arnault "Forbes"ə görə dünyanın ən zəngin adamı idi. Ancaq iyunun səkkizində Mask onu keçərək yenidən "bir nömrə" oldu. Mask siyahıdakı liderliyini hələ də davam etdirir. Lakin sərvəti son bir ayda 14 faiz azalıb. 

Arnault isə hələ də ən varlılar siyahısında ikinci yerdədir, lakin LVMH-nin lüks mallar qrupunun səhmlərinin qiymətinin  beş faiz  azalıb. Bu da onun maliyyə durumuna təsir edib. Belə ki, Arnaultun sərvəti ötən aya nisbətən 10 milyon dollar azalıb. 

"Oracle"dan proqram təminatı maqnatı Larri Ellisonun sərvəti daha kiçikdir. O, ən zənginlər arasında dördüncü yerdə qərarlaşsa da, oktyabrda "Oracle"nin səhmlərinin 3% azalması Ellisonun sərvətindən 5 milyard dollar itirdi. "Forbes" onun sərvətini 131 milyard dollar olaraq dəyərləndirib. 

"Google"un həmtəsisçiləri Larri Peyc və Sergey Brin, şirkətin bulud hesablama biznesində analitiklərin gözlədiyindən daha yavaş gəlir daxil olub. "Alphabet"in səhmlərinin azalmasından sonra Peyclə Brin büdcəsindən beş milyard dollar itirib. Oktyabrın 25-də şirkətin səhmləri bir gündə 10% ucuzlaşmışdı.

"Facebook", "Instagram" və "WhatsApp"a sahib olan "Meta" platformaların həmtəsisçi və baş icraçı direktoru Mark Zukerberq 2022-ci ilin yanvarından bəri ilk dəfə olaraq dünyanın ən zəngin "onluğ"una yüksəlib. Noyabrın birinə olan məlumata görə, Zukerberq dünyanın yeddinci ən varlı insanıdır. Onun 106,9 milyard dollar dəyərində sərvəti var və bu bir ay əvvəlkindən təxminən 300 milyon dollar çoxdur. 

"Forbes"in açıqladığı ilk "onluq" aşağıdakılardır: 

1. İlon Mask - 217 milyard dollar
2. Bernard Arnault - 177 milyard dollar
3. Ceff Bezos - 155,9 milyard dollar
4. Larri Ellison - 130,9 milyard dollar
5. Varren Baffett - 114 milyard dollar
6. Bill Qeyts - 110,3 milyard dollar
7. Mark Zukerberq - 106,9 milyard dollar
8. Larri Peyc - 105,1 milyard dollar
9. Stiv Balmer - 102,4 milyard dollar
10. Sergey Brin - 101 milyard dollar

Elmir