Almaniyadan olan şirkətlərin əksəriyyəti  siyasi təzyiqlərə baxmayaraq, Rusiya bazarında mövcudluğunu qoruyur. 

Valyuta.az xəbər verir ki, bu barədə Rusiyanın Berlindəki səfiri  Sergey Neçayev “ İzvestiya”ya müsahibəsində danışıb.

“Görünməmiş siyasi təzyiqlərə baxmayaraq, əksər alman şirkətləri bazarımızda bu və ya digər formada mövcudluğunu qoruyub saxlamağı seçdi. Bu, xüsusilə ictimaiyyətin diqqətinin daha az olduğu kiçik və orta müəssisələrə aiddir”, - diplomat qeyd edib.

Neçayevin dediyi kimi, alman iş adamları ictimaiyyət qarşısında Qərbin sanksiyalarını tənqid etməkdən çəkinmələrinə baxmayaraq, şəxsi söhbətlərində “siyasətin iqtisadiyyatdan üstünlüyünə” qarşı çıxırlar.

Alman Wintershall Dea-nın Rusiya Federasiyasındakı müştərək müəssisələrdəki tərəfdaşları ilə müzakirələr aparması, növbəti satış üzərində işləməsi barədə oktyabrın 24-də şirkətin rəhbəri Mario Meren bildirib.

Merenin sözlərinə görə, Rusiyanı tərk etmək Wintershall rəhbərliyinin dəqiq qərarıdır.

Bundan əvvəl Finlandiyanın lift istehsalçısı Kone Rusiya Federasiyasındakı filialını sataraq ölkəni tərk edib.

Nicat