Qazaxıstanın milli nüvə şirkəti “Kazatomprom” və Fransanın “Framatome” şirkəti nüvə yanacaq dövrü sahəsində əməkdaşlıq edəcək.

Valyuta.az xəbər verir ki, bu barədə şirkətin mətbuat xidməti məlumat yayıb.

NAC Kazatomprom ASC-nin İdarə Heyətinin sədri Meirjan Yusupov bildirib ki, “Framatome” “Kazatomprom” üçün strateji əhəmiyyətli tərəfdaşlardan biridir.

"Əminəm ki, birgə əməkdaşlıq bizə nüvə enerjisindən dinc məqsədlərlə istifadə sahəsində ölkələrimiz arasında ikitərəfli münasibətlərin inkişafı üçün yeni perspektivlər açmağa imkan verəcək", - Yusupov vurğulayıb.

Şirkətin mətbuat xidmətindən verilən məlumata görə, Fransa prezidenti Emmanuel Makronun Qazaxıstana səfəri zamanı “Kazatomprom” və “Framatome” arasında əməkdaşlıq sazişi imzalanıb. Bu, nüvə yanacaq dövrü sahəsində birgə layihələrin həyata keçirilməsini, həmçinin mütəxəssislərin təhsilini və hazırlanmasını nəzərdə tutur.

Bundan əvvəl respublika prezidenti Kasım-Jomart Tokayevin mətbuat xidməti Qazaxıstanın Fransaya neft tədarükünün həcmini artırmağa hazır olduğunu bildirmişdi.

Nicat