Qazaxıstan və Fransa hökumətləri strateji faydalı qazıntılar üzrə əməkdaşlıq haqqında bəyannamə imzalayıblar. 

Valyuta.az xəbər verir ki, bu barədə Qazaxıstan prezidenti Kasım-Jomart Tokayevin Astanada Fransa rəhbəri Emmanuel Makron ilə görüşündən sonra mətbuat xidməti məlumat verib.

“Biz həmçinin Boehringer Ingelheim, Total Energies, Alstom ilə də razılaşmalar əldə etmişik. Bu sazişlər hər iki ölkə üçün faydalı olacaq”, - Tokayev bildirib.

Qazaxıstan liderinin sözlərinə görə, nəzərdə tutulan tədbirlərin səmərəli həyata keçirilməsi üçün nazirlər səviyyəsində birgə investisiya layihələrini təşviq etmək lazımdır. Tokayev bunun üçün xüsusi işçi qrupunun yaradılmasını təklif etdiyini vurğulayıb.

Bundan əvvəl Rusiya prezidentinin mətbuat katibi Dmitri Peskov Emmanuel Makronun həmkarı Kasım-Jomart Tokayevlə Qazaxıstana səfərini şərh edib. Kreml nümayəndəsi qeyd edib ki, Qazaxıstan suveren dövlətdir və buna görə də öz mülahizəsinə uyğun olaraq bütün ölkələrlə münasibətləri inkişaf etdirə bilər.

Tokayev Makronun Qazaxıstana səfərini tarixi səfər adlandırıb.

Nicat