Qərb ölkələri üçün qaz bazarı qarşıdakı onilliklərdə artan tələbat fonunda dar olaraq qalacaq.

Valyuta.az xəbər verir ki, bunu Sankt-Peterburq Beynəlxalq Qaz Forumunda "Qazprom" rəhbəri Aleksey Miller deyib.

Onun sözlərinə görə, hazırda qlobal qaz bazarında sürətli transformasiya gedir. Miller bunu ənənəvi qaz tədarükçüləri ilə istehlakçılar arasında qısa müddətdə yaranan münasibətlərin deformasiyası adlandırıb. "Qazprom" rəhbəri bu dəyişiklikləri haqsız rəqabət, qaz idxal edən ölkələrdə tənzimləmə səhvləri və geosiyasi qeyri-sabitliklə əlaqələndirir.

“Nəticədə böyük regional bazarlar son dərəcə dəyişkəndir. Buna uyğun olaraq bazarın qeyri-sabit olduğunu deyə bilərik. Eyni zamanda, Qərb ölkələri üçün qaz bazarı dar olaraq qalacaq. Və yaxın onilliklərdə qaza tələbat durmadan artacaq", deyə Miller vurğulayıb.

Paşa Məmmədli