Avropa İttifaqı Mərkəzi Asiyada sərhədlərin idarə edilməsi üçün 21 milyon avro ayırmağı planlaşdırır. 

Valyuta.az bu barədə RT telekanalına istinadən xəbər verir.

21 milyon avro Aİ-nin maliyyələşdirdiyi təşkilat olan Beynəlxalq Miqrasiya Siyasətinin İnkişafı Mərkəzi (ICMPD) tərəfindən ayrılacaq. Bu, regionda ən böyük qeyri-kommersiya qrantlarından biri olacaq.

Layihəyə əsasən, vətəndaş cəmiyyətinə yardım məqsədilə regionun beş ölkəsində - Qazaxıstan, Qırğızıstan, Tacikistan, Türkmənistan və Özbəkistanda QHT-lərin maliyyələşdirilməsi, bu ölkələrin cəmiyyətində miqrasiya və sərhədyanı ərazilər məsələlərində müzakirələrin formalaşdırılması planlaşdırılır. 

Qrantların region əyalətlərinin müvafiq yerli hakimiyyət orqanları ilə sıx əməkdaşlıq edən QHT-lərə verilməsi nəzərdə tutulur. 

Paşa Məmmədli