2023-cü ilin üçüncü rübündə dünyada qızıla tələbat illik müqayisədə 6% azalaraq 1147 ton təşkil edib.

Valyuta.az xəbər verir ki, bunu Dünya Qızıl Şurasının hesabatı sübut edir.

"Üçüncü rübdə qızıla tələbat (birjadankənar bazar istisna olmaqla) 5 illik orta göstəricidən 8% yuxarı, lakin ötən illə müqayisədə 6% az, 1147 ton təşkil edib. Birjadankənar təklif və inventar axını nəzərə alınmaqla, ümumi tələb 6% artaraq ötən illə müqayisədə 1267 ton təşkil edib”, - təşkilatın hesabatında qeyd olunur.

Hesabat dövründə qızıla investisiya tələbi ötən illə müqayisədə 56% artsa da, son beş ildə orta hesabla 315 tonla müqayisədə 156,9 tona qədər azalıb.

Hesabatda deyilir ki, külçə və sikkələrə qoyulan investisiyalar illik müqayisədə 14% azalaraq 296 tona düşüb. Ötən ilə nisbətən azalma əsasən Avropada kəskin azalmanın nəticəsidir.

Üçüncü rübdə qızıl qiymətlərinin davamlı artımı fonunda zərgərlik məmulatlarının istehlakı bir qədər (-2%) azalaraq 516 tona düşüb.

"LBMA Gold Price PM" (London Külçə Bazarı Assosiasiyasının axşam qiyməti) məlumatlarına əsasən, üçüncü rübdə qızılın orta qiyməti 1 928,5 dollar/troya unsiyası (illik +12%) təşkil edib.

Qlobal mərkəzi banklardan qızıla tələb ilin əvvəlindən illik ifadədə 14% artaraq 800 ton təşkil edir. 
 
Nicat