2023-cü ilin yanvar-sentyabr aylarında Gürcüstanda ÜDM-in real artımı 2022-ci ilin eyni dövrü ilə müqayisədə 6,8% təşkil edib. 

Valyuta.az xəbər verir ki, bunu Gürcüstanın Milli Statistika Xidmətinin məlumatları sübut edir.

Sentyabrda iqtisadi artım 5,1% təşkil edib. Qeyd edildiyi kimi, sentyabr ayında maliyyə və sığorta fəaliyyətlərində, tikinti, ticarət, mehmanxana və restoran biznesində artım müşahidə olunub. Eyni zamanda, emal sənayesi, nəqliyyat və daşınmaz əmlakda azalma qeydə alınıb.

Gürcüstanda ilin doqquz ayında mal dövriyyəsi 15,9 milyard dolları ötüb ki, bu da ötən ilin analoji dövrünün göstəricisindən 16,5% çoxdur. İxrac 4,6 milyard dollardan çox (artım 12,7%), idxal isə 11,3 milyard dollardan çox (artım 18,2%) olub. 
 
Nicat