Səudiyyə Ərəbistanı son 6 ayda ilk dəfə dekabr ayında asiyalı alıcılar üçün “Arab Light” markalı neftin qiymətini qaldırmaya bilər.

Valyuta.az xəbər verir ki, bu barədə "Bloomberg" yazır.

Analitiklər bunu regiondakı neft emalı zavodlarında marjaların azalması fonunda fiziki bazarın zəifləməsi ilə əlaqələndirirlər. HƏMAS-ın İsrailə hücumundan sonra "Brent" neftinin qiyməti yüksəlsə də, neftin yanacağa çevrilməsindən əldə edilən gəlir azalıb. Eyni zamanda, yükdaşıma xərcləri də artıb. "Citigroup" eksperti yüksək qiymətlərə görə ən böyük idxalçı Çinə neft tədarükünün mülayim olacağını proqnozlaşdırır.

Səudiyyə Ərəbistanı Rusiya ilə birlikdə neft hasilatının azaldılması ilə bağlı razılığa gələn OPEC+ ölkələrinə başçılıq edir. Bundan əlavə, Ər-Riyad qiymətləri dəstəkləmək üçün könüllü olaraq hasilatı daha da azaldıb. Bununla belə, dekabr ayı tədarükləri üçün ticarət dövrünün sonunda Asiyada fiziki neft üçün mükafatlar aşağı düşüb, çünki Çin alıcıları daha az aktiv olub.

Paşa Məmmədli