İsraildə davam edən müharibə fonunda ölkə iqtisadiyyatı 2022-ci ilin eyni dövrü ilə müqayisədə 11% kiçilə bilər. 

Valyuta.az xəbər verir ki, bu məlumatı “Bloomberg” "JPMorgan Chase & Co" holdinq şirkətinin proqnozuna istinadən yayıb.

İsrail Mərkəzi Statistika Bürosunun statistik məlumatına görə, 2022-ci ilin dördüncü rübündə ölkə iqtisadiyyatı illik ifadədə 5,8%, bütün ötən ilin nəticələrinə görə 6,5% artıb.

"JPMorgan" hesab edir ki, İsrailin ÜDM-i bütövlükdə 2023-cü ildə 2,5%, 2024-cü ildə isə 2% artacaq.

Bununla belə, müharibənin İsrail iqtisadiyyatına təsirini qiymətləndirmək aydın olmayan miqyas və qeyri-dəqiq məlumatlar səbəbindən çətin olaraq qalır. Ötən illərin münaqişələri, ekspertlərin qeyd etdiyi kimi, hazırkı müharibənin ölkənin təhlükəsizliyini və ona olan inamını daha çox sarsıtmasına baxmayaraq, İsrail iqtisadiyyatına faktiki olaraq heç bir mənfi təsir göstərməyib.

Nicat