ABŞ-ın 41 ştatından ibarət koalisiya "Meta"ya qarşı məhkəmə iddiası qaldıraraq, onun platformalarında qəsdən gənc istifadəçilərə zərər verən funksiyaları ehtiva etdiyini bildirib.

Valyuta.az xəbər verir ki, bu barədə "The Wall Street Journal"da məlumat yer alıb. Şimali Kaliforniyada ABŞ-nın 41 ştatı və Kolumbiya dairəsinin birgə təşəbbüsü ilə "Instagram" və feysbuk sosial media platformalarının ana şirkəti olan "Meta"nın məhkəməyə verildiyi bildirilib.

Xəbərdə "Meta" haqqında ictimaiyyəti çaşdırmaq iddiası ilə açılan işdə ən azı 40 vəkilin çalışdığı bildirilib. 

"Meta"nın öz məhsullarını bilə-bilə 13 yaşından kiçik uşaqlara satdığı iddia edilib. Hansı ki, onların federal qanunlara və şirkət qaydalarına əsasən platformalara daxil olmasının qadağan edildiyi bildirilir. Metanı məhsul xüsusiyyətlərini dəyişdirməyə məcbur etmək və gənc istifadəçilərə verilən zərərə diqqət çəkmək məqsədi daşıyan iddia 33 federal məhkəmə və doqquz əyalətin baş prokuroru ilə yanaşı, ümumilikdə 41 ştatın təşəbbüsü ilə açılıb.

İddia Tennessinin Baş Prokuroru Conatan Skrmetti və Kolorado Baş Prokuroru Filip Veyzerin birgə istintaqının bir hissəsi olaraq Meta ilə uğursuz vasitəçilik cəhdlərindən sonra qaldırılıb. Hadisəni "ictimai sağlamlığın qorunmasına yönəlmiş döyüş meydanı" kimi xarakterizə edən Skrmetti açıqlamasında, "Bu (hal) tütün məhsulları və narkotiklərlə mübarizə səviyyəsində bir öhdəlikdir" - sözlərini deyib. 

İttihamnamədə qeyd edilir ki, "Meta" sosial media platformalarında müstəqil ekspert analizləri və daxili araşdırmalar nəticəsində verilən məlumatlara baxmayaraq, məlum zərərli xüsusiyyətlərindən əl çəkməyib.

Elmir