Avropa Mərkəzi Bankı (ECB) depozit faizini rekord həddə - 4%-də saxlamaqla, 25 illik tarixində ən uzun faiz artımı silsiləsini qırıb. 

Valyuta.az xəbər verir ki, bu barədə bankın press-relizində bildirilib.

Qeyd edilib ki, ECB depozit dərəcəsini 4% səviyyəsində saxlayıb və bu, faiz dərəcələrinin cari səviyyəsinin “kifayət qədər uzun müddət” saxlanıldığı təqdirdə inflyasiyanın qarşısını almaq üçün kifayət edə biləcəyini təsdiq edib.

ECB-nin bəyanatında deyilir: "Əvvəlki ECB faiz artımları maliyyələşdirmə şərtlərinə əhəmiyyətli təsir göstərməkdə davam edir. Bu, tələbi getdikcə daha çox məhdudlaşdırır və bununla da inflyasiyanın azalmasına dəstək olur".

Bu ilin əvvəlində ECB gözlənilməz inflyasiyanın öhdəsindən gəlmək üçün dərəcələri bir neçə dəfə artırıb. 

Paşa Məmmədli