"Peugeot", "Citroen" və "Opel" kimi brendlərin sahibi olan transmilli avtomobil istehsalçısı "Stellantis" Çinin elektrik avtomobilləri startapı "Leapmotor"un 20%-ni 1,5 milyard avroya (1,58 milyard dollar) alır.

Valyuta.az xəbər verir ki, bu barədə "Financial Times" yazıb. 

“Bacarıqlı EV startapları Çində birləşdikcə, "Leapmotor kimi" kiçik bir qrup yeni, səmərəli və çevik bazar oyunçularının Çinin əsas seqmentlərində üstünlük təşkil edəcəyi getdikcə daha aydın olur”, - "Stellantis"in baş direktoru Karlos Tavaresa istinadən bildirib.

Razılaşmalara əsasən, beynəlxalq konserni və "Leapmotor" Çin istehsalçısının avtomobillərinin xaricə satışı üzrə birgə müəssisə yaradacaq. Honq-Konqda siyahıya alınmış şirkətin direktorlar şurasına Stellantis-in iki nümayəndəsi də daxil olacaq.

2015-ci ildə qurulan Leapmotor iqtisadi inkişafın yavaşlaması və acı qiymət müharibəsi ilə üzləşən onlarla Çin elektrik avtomobil şirkətindən biridir. Keçən il Honq Konq Fond Birjasında səhmlərini satan qrup 2022-ci ildə 5,1 milyard yuan (734 milyon dollar) xalis zərərə məruz qaldığını, satışların isə 1,5 dəfədən çox artaraq 111,000-dən çox avtomobil olduğunu bildirib.

"Stellantis"in "Leapmotor" ilə müqaviləsi Çinin elektrikli avtomobil bazarında xarici avtomobil istehsalçıları arasında gərgin rəqabət fonunda baş verir. İyul ayında Almaniyanın "Volkswagen" şirkəti Çinin "Xpeng" şirkətində 4,99% payı 700 milyon avroya almaq niyyətində olduğunu açıqlamışdı. Şirkətlərin qarşılıqlı əlaqəsi həmçinin iki elektrik avtomobil modelinin - sedan və yolsuzluq avtomobilinin Çin orta təbəqəsi üçün birgə hazırlanmasını nəzərdə tutur. Onların 2026-cı ildə bazara çıxması gözlənilir. 

Nicat