ABŞ prezidenti Co Bayden qadağan olunmuş fentanil dərmanının yayılması ilə mübarizə üçün Konqresdən əlavə 1,55 milyard dollar istəyib. 

Valyuta.az xəbər verir ki, bu barədə prezident administrasiyasının dərc etdiyi sənəddə deyilir.

“Fentanillə mübarizə üçün 1,55 milyard dollar”, - konqresmenlərə göndərilən sorğuda deyilir.

Pulun narkomanların müalicəsi və reabilitasiyasına xərclənməsi nəzərdə tutulur.

Bir gün əvvəlsə Bayden uranın zənginləşdirilməsi imkanlarını artırmaq üçün Konqresdən milyardlar tələb edib. Ağ Ev bildirib ki, bu, milli təhlükəsizlik prioritetidir, çünki Rusiya uran mənbələrindən asılılıq ABŞ iqtisadiyyatı üçün risk yaradır.

Oktyabrın 25-də məlum olub ki, Ağ Ev rəhbəri daxili işlər üçün İsrail və Ukraynanın yarısı qədər pul tələb edəcək. ABŞ Konqresinin Nümayəndələr Palatasına nəzarət edən respublikaçılar çox güman ki, bu təklifi təsdiqləməyəcəklər.

Nicat