Pakistanın Beynəlxalq Hava Yolları (PIA) aviaşirkəti dövlət neft şirkəti PSO tərəfindən yanacaq tədarükünə qoyulan məhdudiyyətlər, maliyyə böhranı və əməliyyat problemləri səbəbindən son 10 gündə 322 daxili və beynəlxalq reysi ləğv edib.

Valyuta.az xəbər verir ki, PİA tarixinin ən pis böhranı ilə üzləşir və onun ödənilməsi üçün vəsait çatışmazlığı səbəbindən təyyarə yanacağının tədarükünün azalmasına görə bağlanmaq ərəfəsindədir. Bu, oktyabrın 14-dən etibarən 322, o cümlədən beynəlxalq marşrutlar üzrə 134 reysin ləğvinə səbəb olub.

PİA-nın yanacaq təchizatçısına borcu 650 milyon Pakistan rupisini (2,4 milyon dollar) ötüb. Daşıyıcı yanacaq tədarükü üçün PSO borcunu ödəmək üçün banklardan əlavə kreditlər istəyib.

Pakistan hökumətinin 2012-ci ildən itkiləri 7,1 milyard dollara çatan Pakistan Beynəlxalq Hava Yollarını özəlləşdirməsi fonunda aviaşirkətin problemləri daha da güclənib. Pakistanın müvəqqəti hökumətinin özəlləşdirmə üzrə naziri Fəvad Həsən Fəvadın verdiyi məlumata görə, hava daşıyıcısının əsas aktivləri, onun təyyarələri və hüquqları hava limanlarında xidmət üçün satışa çıxarılacaq. Hazırda PİA-nın donanması 34 təyyarədən ibarətdir. Uçuşlar 15-ni şirkətin icarəyə götürdüyü, aylıq dəyəri 2 milyon dollar olan 19 təyyarə ilə həyata keçirilir.

Nicat