Rosselxoznadzor ÇXR-in Yapon dəniz məhsulları idxalı ilə bağlı məhdudlaşdırıcı tədbirlərinə qoşularaq Yaponiyadan balıq və dəniz məhsullarının idxalını müvəqqəti məhdudlaşdıracaq. 

Valyuta.az xəbər verir ki, bu barədə idarənin saytında məlumat dərc olunub.

“Rosselxoznadzor ehtiyat tədbiri olaraq 16 oktyabr 2023-cü il tarixindən etibarən Yaponiyadan balıq və dəniz məhsullarının idxalı ilə bağlı ÇXR-in müvəqqəti məhdudlaşdırıcı tədbirlərinə qoşulur.

Məhdudiyyətlər su məhsullarının təhlükəsizliyini və Avrasiya İqtisadi İttifaqının tələblərinə uyğunluğunu təsdiqləmək üçün zəruri olan hərtərəfli məlumatların təqdim edilməsindən, habelə Rosselxoznadzor mütəxəssisləri tərəfindən təhlilindən əvvəl tətbiq edilir”, - məlumatda deyilir.
Bundan əvvəl Yaponiya Xarici İşlər Nazirliyi bildirmişdi ki, Tokio Rusiyaya fövqəladə “Fukusima-1” AES-dən suyun okeana axıdılması ilə bağlı əlavə məlumatlar təqdim edib.

Çin Xarici İşlər Nazirliyi isə həmin suyu təhlükəsiz hesab edənlərə “Fukusima-1” AES-dən su içməyi təklif etmişdi.

Nicat