Səudiyyə Ərəbistanının könüllü neft hasilatını azaltması bazarın sabitliyini qorumaq üçün lazım olduğu müddətcə davam edəcək. 

Valyuta.az xəbər verir ki, bunu “Rossiya-24” telekanalına müsahibəsində Səudiyyə Ərəbistanının energetika naziri şahzadə Əbdüləziz bin Salman deyib.

"İlin sonuna kimi hasilatı azaltmağa davam edəcəyik. Hər ay, əvvəl dediyimiz kimi, azalma və ya neft hasilatını artıracağımızı nəzərdən keçirəcəyik. Ola bilsin, daha bir ay, iki, dörd, beş olsun. O vaxta qədər ki, bazarda sakitliyi təmin edək, bazara sabitlik gətirə bilək”, - deyə energetika naziri bildirib.

Qeyd edək ki, Səudiyyə Ərəbistanının energetika naziri şahzadə Əbdüləziz bin Salman Moskvada keçirilən Rusiya Enerji Həftəsində (REW) iştirak edir.

REW çərçivəsində onun iştirakı ilə Rusiya-Səudiyyə hökumətlərarası komissiyasının iclası da keçirilib.

Nicat