Amerikanın "ExxonMobil" neft şirkəti son 20 ildə şist nefti istehsalçısı "Pioneer Natural Resources"u 59,5 milyard dollara almaq üçün ən böyük sövdələşməni elan edib.

Valyuta.az xəbər verir ki, "Bloomberg"in yaydığı məlumatda deyilir.

Borc nəzərə alınmaqla əməliyyatın dəyəri 64,5 milyard dollar təşkil edəcək. Onun bağlanması 2024-cü ilin birinci yarısında gözlənilir. "ExxonMobil" hər bir "Pioneer Natural Resources" səhmi üçün 253 dollar ödəyəcək.

Bu, "ExxonMobil"in 80 milyard dollara alındığı 1999-cu ildən bəri ən böyük alışdır. Bu, həm də 2022-ci ilin əvvəlindən bəri dünyada ən böyük M&A müqaviləsidir. "Pioneer Natural Resources"in alınması "ExxonMobil"i ABŞ-ın ən böyük neft hasil edən bölgəsi olan Perm hövzəsində dominant şist neft istehsalçısına çevirəcək.

"ExxonMobil"in rekord gəliri nəzərə alınmaqla, sövdələşmə sərt antiinhisar yoxlaması ilə üzləşə bilər. ABŞ prezidenti Co Bayden bundan əvvəl ölkədə benzinin bahalaşması ilə bağlı araşdırma aparmağa çağırıb.

Nicat