Rusiya Federasiyasının Maliyyə Nazirliyi maşınqayırma məhsulları istisna olmaqla, hələ bu cür vergilərə cəlb edilməyən demək olar ki, bütün Rusiya mallarına ixrac rüsumları tətbiq etməyi planlaşdırır. 

Valyuta.az xəbər verir ki, bu barədə “Kommersant” yazır.

Nəşrin məlumatına görə, bu tədbir rublun məzənnəsini sabitləşdirmək üçün nəzərdə tutulub. Rüsumun Rusiya valyutasının məzənnəsindən asılı olacağı və möhkəmləndikcə ləğv ediləcəyi dəqiqləşdirilir. Maliyyə Nazirliyinin planına görə, rüsum dolların məzənnəsi 95 rubldan yuxarı olduqda 5,5-7%, məzənnə 80 rubl olduqda isə 3,5-4% təşkil edəcək.

Bildirilir ki, rüsum rublun məzənnəsinə əlavə təzyiq yarada bilər və ixracın “şok” azalmasına və inflyasiyanın düşməsinə səbəb ola bilər. Rəsmi olaraq, Rusiya Federasiyasının Maliyyə Nazirliyi bu təşəbbüslə bağlı hələ də açıqlama verməyib. “Kommersant” yazır ki, ötən həftə o, iqtisadi inkişaf üzrə hökumət komissiyasının tarif və gömrük alt komitəsinə daxil edilib.

Bundan əvvəl Rusiya Federasiyası Kommunist Partiyasından olan Dövlət Dumasının deputatı Nikolay Arefiyev bəzi rusiyalılar üçün 30%-ə qədər mütərəqqi gəlir vergisinin tətbiqinə çağırıb.

Nicat