ABŞ Ədliyyə Departamenti İlon Maskın sahibi və baş direktoru olduğu “Tesla”dan əldə etmiş ola biləcəyi imtiyazları araşdırır.

Valyuta.az xəbər verir ki, ABŞ Ədliyyə Departamenti “Tesla”nın 2017-ci ildən bəri baş direktoru İlon Maska təqdim edə biləcəyi şəxsi faydaları, o cümlədən milyarderə şüşə evin tikintisi üçün şirkət vəsaitlərindən istifadəsini də araşdırır.

Bundan əlavə, ABŞ-ın Nyu Yorkun Cənub Bölgəsi üzrə Prokurorluğu “Tesla” ilə Maska bağlı digər təşkilatlar arasında əməliyyatlar haqqında məlumat tələb edib, - The Wall Street Journal öz mənbələrinə istinadən yazır. 

Qiymətli Kağızlar və Birja Komissiyası (SEC) həmçinin “Tesla”nın Ostin zavodunun yaxınlığında planlaşdırıldığı bildirilən “Project 42” gizli evi də araşdırır.

Federallər “Tesla”nın Maskın aldığı faydaları düzgün açıqlayıb-açıqlamadığını bilmək istəyirlər. Şirkət əvvəllər də yüksək səviyyəli rəhbərlərə heç bir imtiyaz vermədiyini bildirib.

Mask şüşə evin tikintisi ilə bağlı şübhələrə cavab verərək, onun hələ tikilmədiyini, indi tikinti getmədiyini və heç planlaşdırılmadığını da bildirib. Milyarder Walter Isaacsonun bu yaxınlarda dərc edilmiş tərcümeyi-halında şüşə evdən bəhs edilir, lakin müəllif Maskın "inşaatı dayandırdığını" deyir.

Şirkət əməkdaşlarının böyük formatlı şüşə panellərin istifadəsi ilə bağlı narahatlıqlarını bildirməsindən sonra “Tesla” daxilində şüşə evin tikintisi barədə araşdırmalar başlayıb. Avtomobil istehsalçısı bu panellərdən milyonlarla dollarlıq sifariş verib.

Bu panellərlə bağlı narahatlıqlarını ifadə edənlər arasında avqust ayında “Tesla”nı tərk edən keçmiş maliyyə direktoru Zaç Kirkhorn da var.

Daha əvvəl bildirilmişdi ki, ABŞ Ədliyyə Departamenti X sosial şəbəkəsinin sahibi İlon Maska qarşı xidmət istifadəçilərinin “məlumat təhlükəsizliyini təhdid edən sifarişlər”ə görə məhkəmədə iddia qaldırıb.

Nicat