Nebraska ştatının Omaha şəhərində anadan olan Vorren Edvard Baffet iş dünyasına ən erkən qədəm qoyan insanlardan biridir. 

Valyuta.az xəbər verir ki, 1930-cu ildə dünyaya göz açan Baffet, artıq “Forbes” jurnalının ən varlı adamları siyahısındadır. Bəs ümumi sərvətinin 87 milyard dollar olduğu bildirilən Varren milyarderə necə çevrildi?

Uşaqlıqdan ticarət həyatına meylli olan iş adamı ibtidai sinif dönəmindən etibarən müxtəlif əşyalar satmağa başlayır. O, hətta babasına məxsus ərzaq mağazasında olan kolaları beş qəpik qazancla satmağı bacarır. Bu yolla ilk dəfə pul qazanan Baffet 11 yaşında səhm almağı bacarıb. Uzun müddət səhmlər alaraq qazanc əldə etməyə başladığı üçün o, ilk dəfə 14 yaşında gəlir vergisi ödəyib.

Varlı ailədən olan Baffetin atası 1942-ci ildə konqresmen (ABŞ-da və bəzi Latın Amerikası ölkələrində qanunverici orqanın, konqresin (parlamentin) üzvü) seçilir. Ailəsi Vaşinqtona köçdükdən sonra və orta məktəbdə oxuyarkən, o, həmişə kommersiya yolu ilə pul qazanmaq fikrində idi. 1945-ci ildə dostu ilə birlikdə “Pinball” adlı kompüter oyun maşını alır və bir bərbərxananın küncündə insanları cəlb etməyə başlayır. Daha sonra müxtəlif bərbərxanalarla müqavilələr bağlayaraq biznesini genişləndirən azyaşlı biznesmenin aldığı torpaqların sayı da ildən-ilə artmağa başlayır.

Səhmlərdə qazandığı uğura görə məzun olduqdan sonra sığorta şirkətlərində işləyir. Analitik kimi böyük uğur qazanan bu oğlan, Nyu Yorkda 2 il ərzində “Grahaman-Newman Corp”un analitiki kimi fəaliyyət göstərir. 16 yaşında artıq 50 min dollar civarında sərvət əldə edən Baffet 32 ​​yaşında milyonçu olmağı bacarır. 1950-ci illərdə o, yeddi fərqli tərəfdaşlıq şirkəti qurur və daha sonra onların hamısını bir dam altında birləşdirir.

1960-cı illərdə Baffet “Berkshire Hathaway” adlı tekstil şirkətinə sərmayə qoyur. 1964-cü ildə payı 80 dollar olan şirkətin dəyəri günü-gündən artmağa başlayır. 2017-ci ilin sonlarında səhm qiyməti 296 min 400 dollara çatanda “Baffet iqtisadiyyatı” termini də məna qazanır. Daha sonra o, müxtəlif sığorta şirkətlərinə sərmayə qoyaraq qazancını artırmağa davam edir. Onun ən yaxşı işi 1980-ci illərdə olub. Məşhur “Coca Cola” şirkəti onun səhmlərinin yeddi faizini alır. Bundan sonra “Coca Cola” 27 ildir yatırdığı investisiyalarla 16 dəfə böyüməyi bacarır. Bununla belə, qazanc 11 faiz səviyyəsində idi.

Müxtəlif şirkətlərin qəfil böyüməsi və proqnozlaşdırıla bilməsi baxımından rəqibsiz olan Baffet zəhməti hesabına azsaylı zənginlər arasında yerini alır. O, 2011-ci ildə ABŞ prezidenti olan Obamadan şəxsən “Prezident medalı” almağı bacaran nadir insanlardandır. Baffetin məşhur “Microsoft” şirkətinin yaradıcısı Bill Qeytslə çox yaxın dost olduqları da məlumdur. 2008-ci ildə dünyanın ən varlı adamı olan Buffet müxtəlif xeyriyyə təşkilatlarına mütəmadi olaraq ianə də edir. Bunlardan ən məşhuru onun “Bill və Melinda Qeyts Fondu”na etdiyi 31 milyard dollarlıq ianədir. Uşaqlığından bəri davamlı qazanc əldə edən nadir iş adamlarından biri olan Buffet daim yüksəlişlə bağlı müxtəlif konfranslar verir.

Elmir