Rusiya Federasiyası Ukrayna elevatorlarına və infrastrukturuna zərbələr endirmək üçün ən yaxşı silahlarından istifadə edir.

Valyuta.az "Sky News"a istinadla xəbər verir ki, bu barədə Britaniya Müdafiə Nazirliyi məlumat yayıb. Bəyanatda bildirilir ki, Rusiya iyulun 17-də nəhayət Qara Dəniz Taxıl Təşəbbüsündən çıxdıqdan sonra “minlərlə ton” taxıl məhv edilib. 

Rusiya taxıl elevatorlarını və infrastrukturu məhv etmək üçün “ən yaxşı silahlardan” istifadə edir, o cümlədən Kh-22 raketləri – əvvəlcə təyyarədaşıyanları məhv etmək üçün nəzərdə tutulmuş 5,5 tonluq döyüş sursatlarından.

Qeyd olunur ki, infrastrukturun və taxılın özünün dağıdılması Ukraynadan tədarükdən asılı olan Afrika ölkələrində ərzağın qiymətinin artmasına səbəb olub.

Nicat