Rusiya və Qətər ümumi dəyəri 160 milyard rubldan çox olan birgə layihələr üzərində işləyir.

Valyuta.az xəbər verir ki, bunu Rusiyanın Qətərdəki səfiri Dmitri Doqadkin bildirib. 

Onun sözlərinə görə, 2023-cü ilin birinci rübündə ölkələr arasında ticarət dövriyyəsi təxminən 70 milyon Qətər rialı (19 milyon dollardan çox) təşkil edib.

“İnvestisiya sahəsində əməkdaşlığımız genişlənir. Qətər İnvestisiya İdarəsi Rusiyanın aparıcı şirkətlərinə sərmayə qoyur. Rusiyanın Birbaşa İnvestisiya Fondu ilə əməkdaşlıq uğurla inkişaf edir”, deyə Doqadkin "RİA Novosti"yə bildirib.

Səfir nəqliyyat və logistikanı əməkdaşlığın perspektivli sahəsi hesab edir. Söhbət ilk növbədə “Şimal-Cənub” beynəlxalq nəqliyyat dəhlizinin layihəsindən gedir.

Paşa Məmmədli