Ən erkən asteroid zərbə kraterləri zamanın dağıdıcılığı səbəbindən əbədi olaraq yox ola bilər.

Valyuta.az xəbər verir ki, yeni bir analizə görə, elm adamlarının yaşı 2 milyard ildən artıq olan heç bir krater tapa bilməməsinin bir səbəbi var. Yerdəki daimi eroziya və geoloji proseslər yəqin ki, onları səthdən tamamilə silib, arxada yüksək təzyiqli minerallar və ərimiş süxurlar kimi yalnız kiçik izlər buraxıb.

Cənubi Afrikadakı Qərbi Keyp Universitetindən planetoloq Metyu Huber deyir: 

“Bizim köhnə tikililərin ümumiyyətlə, salamat qalması demək olar ki, təsadüfdür. Ancaq bu, geologiyada normal bir hadisədir. Biz mövcud olanlardan tarix yazmalıyıq”.

Elm adamlarının kraterlərə dəlil tapmasının yolları var. Məsələn, qravitasiya xəritələri və seysmik təsvirlər.

Bununla belə, Huber və komandası bütün geofiziki məlumatları səthdən çıxarmaq üçün nə qədər eroziya tələb olunacağını bilmək istəyirlər.

Onlar Cənubi Afrikada dünyanın ən qədim məlum zərbə kraterlərindən biri olan Vredefortu tədqiq ediblər. Onun təqribən 2 milyard yaşı var, diametri 300 kilometrdir və 20 kilometrlik asteroidin Yerə çırpılması zamanı yaranıb. Toqquşma planetin səthinin formasını dəyişib.

Bu kraterin köməyi ilə müəyyən etmək mümkün olub ki, təxminən 10 kilometr materialın şaquli aşınması hətta ən böyük kraterləri də silmək üçün kifayətdir.

Nicat