Rusiya prezidenti Vladimir Putin Rusiya-Afrika sammiti zamanı Rusiya tərəfinin taxıl müqaviləsi ilə bağlı şərtlərinin heç birinin yerinə yetirilmədiyini, buna görə də ölkənin razılaşmalardan imtina etdiyini bildirib.

Valyuta.az xəbər verir ki, Rusiya liderinin sözlərinə görə, sazişə əsasən ərzaq tədarükünün 70%-dən çoxu əvvəlcə planlaşdırıldığı kimi yoxsul ölkələrə deyil, varlı ölkələrə gedib.

Putin qeyd edib ki, ən kasıb Afrika ölkələri taxıl müqaviləsi çərçivəsində 1 milyon tondan az yük alıblar.

Prezident vurğulayıb ki, Rusiya taxılının və gübrələrinin ixracına qoyulan məhdudiyyətlərin aradan qaldırılması taxıl müqaviləsi çərçivəsində kasıb ölkələrə kömək olacaq.

Həmçinin sammit zamanı Putin deyib ki, Qərb ölkələri Rusiya taxıl və gübrələrin tədarükünə mane olur, həmçinin Rusiya Federasiyasını qlobal ərzaq bazarında mövcud böhranda ikiüzlülüklə ittiham edir.

22 iyul 2022-ci ildə İstanbulda Türkiyə, Ukrayna, BMT və Rusiya nümayəndələri taxıl müqaviləsi imzalayıblar. Müqavilə Odessa da daxil olmaqla üç limandan Qara dəniz vasitəsilə Ukrayna taxıl, ərzaq və gübrə ixracında Rusiyanın yardımını nəzərdə tutur.

İstanbulda həmçinin Rusiya Federasiyası ilə BMT arasında memorandum imzalanıb ki, bu da təşkilatın Rusiya kənd təsərrüfatı məhsulları və gübrələrinin dünya bazarlarına ixracına qoyulan məhdudiyyətlərin aradan qaldırılması ilə bağlı öhdəliklərini nəzərdə tutur.

17 iyul 2023-cü ildə müqavilə başa çatıb. Prezident Putin bildirib ki, Rusiya kənd təsərrüfatı məhsullarının ixracına qoyulan məhdudiyyətlər aradan qaldırılarsa, taxıl müqaviləsinə qayıdacaq.

Nicat