Ruslar əməkdaşlıqdan imtina edən Zaporojye AES-in ukraynalı işçilərini terror etməkdə davam edir. Onlar işçiləri əməkdaşlığa cəlb etmək üçün evlərini qarət edirlər.

Valyuta.az xəbər verir ki, bu barədə yeraltı məlumatlara istinadən Milli Müqavimət Mərkəzi məlumat.

Qeyd olunur ki, ruslar Zaporojye Atom Elektrik Stansiyasında işləmək üçün kifayət qədər ixtisaslı işçi tapa bilmirlər.

Buna görə də ruslar əməkdaşlıqdan imtina edən işçiləri ZAES-də işləməyə məcbur etməyə çalışırlar. İşğal altında olan ZAES-də militarizasiya səviyyəsi əhəmiyyətli dərəcədə artıb. 1, 2, 4 nömrəli enerji bloklarının turbin bölmələrində işğal qüvvələrinin hərbi texnikası yerləşir. 

Bundan əlavə, MAQATE mütəxəssisləri ZAES ərazisində istiqamətli piyada əleyhinə minalar aşkar ediblər. Onlar iyulun 23-də elektrik stansiyasının ərazisinin kənarında tapılıb.

Ukraynanın Energetika Nazirliyi işğal altındakı ZAES-də hər an partlayışın baş verə biləcəyini iddia edir. Ruslar Ukrayna tərəfini stansiyada vəziyyətə nəzarət etməkdən tamamilə ayırıblar.

Nicat