Rusiyanın marketpleysi “Ozon” “Məhkumsuz Ozon” sosial layihəsi çərçivəsində bu ilin sonuna qədər 500-dən çox yüngül cəzalı məhkumu işə götürməyi planlaşdırır. 

Valyuta.az xəbər verir ki, bu barədə TASS şirkətin mətbuat xidmətinə istinadən yazıb.

"Hər bir layihə iştirakçısı ödənişli iş, rahat iş şəraiti və iş vaxtından artıq iş saatlarına görə əlavə qazanc əldə etmək imkanı əldə edəcək", - “Ozon” bildirib.

Layihədə Rostov-Don, Kazan və Moskva vilayətindəki “Ozon” logistika obyektləri iştirak edəcək, ilk dəfə məhkum olunmuş və islah mərkəzlərində və koloniya qəsəbələrində yaşayanlar işə götürüləcək. Şirkətdən verilən məlumata görə, bu cür işçilər sifarişləri yığacaq və qaytarma sənədlərinə baxacaq, eyni zamanda məhkumların sayı hər anbarın işçilərinin sayının 10%-dən çox olmayacaq.

“Layihə kuryer xidmətinə və sifarişlərin verilmə məntəqələrinə şamil edilmir”, - deyə şirkət vurğulayıb.

Bundan əvvəl məlum olub ki, “Ozon” 2022-ci ildə satış dövriyyəsini 86% artıraraq 832 milyard rubla çatdırıb.

Nicat