Afina Milli Rəsədxanasının avtomatik meteoroloji stansiyalarının məlumatları göstərir ki, bazar günü, iyulun 23-də Yunanıstanda yeni maksimum temperatur rekordu qeydə alınıb - 46°.

Valyuta.az xəbər verir ki, bu barədə “Ekathimerini” məlumat yayıb.

Qeyd olunur ki, Yunanıstanın Peloponnes bölgəsində yerləşən Hitheio şəhərində mütləq maksimum temperatur 46°-yə çatıb.

Bu, Yunanıstanda 2006-cı ildə ölçmələr başlayandan bəri qeydə alınan ən yüksək temperaturdur.

Qeyd edək ki, 2023-cü il iyulun 3-ü dünyanın bütün müşahidələr tarixində ən isti gün olub. İtaliyada iyulun 19-da ölkədə bu yay üçüncü isti dalğası ilə əlaqədar "qırmızı həyəcan" elan edilən iri şəhərlərin sayı 20-dən 23-ə yüksəlib. Siciliyada havanın temperaturu 47°, Sardiniyada isə 46°-yə çatıb.

Eyni zamanda Ümumdünya Meteorologiya Təşkilatı (WMO) bildirib ki, dünya daha intensiv və həddindən artıq istilərə hazırlaşmalı və uyğunlaşmalıdır.

Paşa Məmmədli