Polşanın baş naziri Mateuş Moravetski çərşənbə günü deyib ki, Avropa Komissiyasının Ukrayna taxılının idxalına qoyduğu moratoriumun müddəti bitərsə, Polşa sentyabrın 15-dən sonra taxıl məhsulları üçün Ukrayna ilə sərhədini açmayacaq.

Valyuta.az xəbər verir ki, Moravetskinin sözlərindən PAP agentliyi sitat gətirib.

Polşanın baş naziri xatırladıb ki, Avropa Komissiyasının qərarına əsasən, Polşa Ukrayna ilə sərhədi sentyabrın 15-də, yəni iki aydan az müddətdə taxıl idxalı üçün açmalıdır.

"Polşa Respublikasının Kənd Təsərrüfatı Nazirliyindən açıq şəkildə bildirmək istəyirəm ki, biz bu sərhədi açmayacağıq. Ya Avropa Komissiyası bu qadağanın müddətini uzadacaq reqlament hazırlamağa razılaşacaq, ya da bunu özümüz edəcəyik".

Mateuş Moravetski vurğulayıb ki, Varşava bu addımı “ukraynalılara qarşı deyil, polşalı fermerlər üçün” atır.

"Polşalılar tranzitlə pul qazanırlar, bu, daxili bazarı pozmaq təhlükəsi yaratmır, ona görə də biz bu ixracı asanlaşdırırıq və tranziti mümkün edirik", - o əlavə edib və sərhədin bağlanmasının digər kənd təsərrüfatı məhsullarına da şamil ediləcəyini qeyd edib.

Çərşənbə günü səhər Avropa Birliyinin beş mərkəzi üzvü - Bolqarıstan, Macarıstan, Polşa, Rumıniya və Slovakiya birlikdə Aİ-dən Ukrayna taxılının idxalına qoyulan qadağanı sentyabrın 15-dən sonra da uzatmağı xahiş ediblər.

Mərkəzi Avropa ölkələri qorxur ki, Rusiya tərəfindən “taxıl müqaviləsi”nin ləğvi bu beş ölkədə taxıl axınının artmasına və girişlərin daralmasına səbəb ola bilər.

Nicat