İyulun 18-dən 19-na keçən gecə Rusiyanın hücumları nəticəsində Odessa vilayətinin Çornomorsk limanında 60 min ton taxıl məhv edilib.

Valyuta.az xəbər verir ki, bu barədə aqrar siyasət naziri Nikolay Solski bildirib.

Rusiya növbəti dəfə “taxıl dəhlizi”nin fəaliyyətində iştirak edən Odessa və Çernomorskda liman infrastrukturu obyektlərinin və taxıl terminallarının atəşə tutulmasına əl atıb.

Çernomorsk limanında 60 gün əvvəl iri tonajlı gəmiyə yüklənməli və taxıl dəhlizi ilə göndərilməli olan 60 min ton taxıl məhv edilib.

Həmçinin, Çornomorsk limanının taxıl ixracı infrastrukturunun böyük bir hissəsi istismardan çıxarılıb. Mütəxəssislərin fikrincə, zərər çəkmiş obyektlərin tam bərpasına ən azı bir il vaxt lazımdır.

Solski əlavə edib ki, beynəlxalq və Ukrayna treyderləri və daşıyıcıları olan Kernel, Viterra, CMA CGM Group-un taxıl infrastrukturu ən çox zərər çəkib.

Nazir xatırladıb ki, əgər Ukrayna ərzaq ixrac edə bilməsə, o zaman ən yoxsul ölkələrin əhalisi aclıqla üzləşmək ərəfəsində olacaq. Bundan əlavə, dünya iqtisadiyyatı zərər görəcək.

"Taxılın qiyməti artacaq və bütün ölkələrin məhsul almağa imkanı olmayacaq, bu isə o deməkdir ki, ərzaq məhsulları: un, dənli bitkilər, ətin qiyməti xeyli artacaq", - Aqrar Siyasət Nazirliyinin rəhbəri vurğulayıb.

Nicat