Gürcüstan 2023-cü ilin birinci yarısında Rusiya Federasiyasına 29,9 min tondan çox şərab ixrac edib ki, bu da 2022-ci ilin eyni dövrü ilə müqayisədə 39,5% çoxdur.
 
Valyuta.az TASS-a istinadla xəbər verir ki, bu barədə Gürcüstanın Milli Statistika Xidmətinin məlumatında deyilir.

Xidmətin məlumatına görə,  Gürcüstandan Rusiyaya 81,8 milyon dollar dəyərində 29,991 min ton şərab ixrac edilib. Rusiyaya malların ümumi ixracında şərabın payı 23,7 faiz təşkil edib.

Bundan bir qədər əvvəl alkoqollu məhsulların idxalçıları şərabın idxal rüsumlarının hazırkı 12,5%-dən mümkün artırılması ilə əlaqədar Rusiya hökumətinə müraciət edib. Belə bir təşəbbüs 2022-ci ildə güclü rubl hesabına idxal edilən spirtin artıqlığının formalaşdığı vəziyyətin nəticəsi olub. Bu məlumatı üç mənbə təsdiqləyib.

Fort şərab ticarəti şirkətinin icraçı direktoru Aleksandr Lipilinin sözlərinə görə, belə bir təşəbbüs yerli spirtin keyfiyyətinin azalması ilə nəticələnir, çünki rəqabət aradan qalxır.

Nicat