AB sənaye lideri Tierri Breton bu həftə texnologiya nəhənglərini sosial media, AI və məlumatları tənzimləyən yeni qaydalara hazırlamaq üçün Silikon Vadisinə gedib.

Valyuta.az xəbər verir ki, Breton eyni zamanda Komissiyanın Silikon Vadisində ilk ofisini açmaq üçün səfər edib, çünki blok öz bayrağını böyük texnologiyanın doğma ərazisində möhkəm şəkildə sancmağa ümid edir.

Dünən Aİ rəsmiləri şirkətin əməkdaşları ilə Rusiya təbliğatı, saxta xəbərlər və cinayətkar fəaliyyət kimi məsələlərlə necə məşğul olduqlarını təhlil etmək məqsədiylə təlim keçirmək üçün Twitter-in baş qərargahına gediblər.

Bu "stress testi" Twitter-i onlayn nifrət mətnlər, qeyri-qanuni məzmun və dezinformasiya ilə mübarizə aparan yeni Rəqəmsal Xidmətlər Aktını qəbul etməyə hazırlamaq məqsədi daşıyır.

Görüşdən sonra Breton Twitter-in sahibi İlon Mask və CEO Linda Yakkarino ilə "konstruktiv dialoq" apardığını və texnologiya nəhənginin DSA uyğunluğunu "çox ciddi" qəbul etdiyini söyləyib.

Lakin o qeyd edib ki, sınaq AB-nin avqustun sonunda qanunun tətbiqinə başlamazdan əvvəl şirkətin hələ görməli işlərinin olduğunu göstərib. Dezinformasiya ilə mübarizə DSA-nın qanuni tələbinə çevriləcək.

AB bundan bir qədər əvvəl Maska xəbərdarlıq edib ki, qanunlara əməl etməsə, Twitter Avropada qadağa ilə və ya qlobal gəlirinin 6%-nə qədər cərimə ilə üzləşə bilər. Mask platformanın tələblərə uyğun olacağını söyləyib.

Google, Facebook və Twitter blokun sosial media platformalarının yeni qanunlara hazırlanmasına kömək etmək üçün açıqladığı AB qaydaları təlimində iştirak edən 44 şirkət arasındadır.

Avqustun 25-dən sonra bu şirkətlərin hamısı yeni qaydalara tabe olmalı və ya Maska deyildiyi eyni cəza ilə üzləşməli olacaq.

Nicat