Avropa İttifaqı Rusiyaya sanksiyalardan yayınmağa kömək edən ölkələri “cəzalandırmağa” imkan verəcək sanksiyalar arsenalını gücləndirməyə razılaşıb. 

Valyuta.az xəbər verir ki, bu barədə "Politico" yazır.

Eyni zamanda, nəşr vurğulayır ki, çox güman, Aİ bu “yeni sanksiya silahından” “istifadə etməyə” cəsarət etməyəcək.

“Avropa İttifaqının səfirləri bu həftə yeni mexanizm üzərində razılığa gəliblər: əgər üçüncü ölkələr Qərbin sanksiyalarına əməl etməsələr və ya Rusiya ilə qadağan olunmuş malların ticarətinin qəfil artmasını izah edə bilməsələr, onlar Aİ tərəfindən cəzalandırıla bilərlər”, – Politico yazır.

Yeni mexanizmə əsasən, Aİ malların siyahısını və bu malların artıq satıla bilməyəcəyi ölkələrin ayrıca siyahısını tərtib edə bilər. Lakin Aİ-də hamı bunun yaxşı addım olacağı ilə razılaşmır və bunun son çarə kimi qəbul edilməsində israr edir. Ölkələr, o cümlədən Almaniya belə bir mexanizmin diplomatik münasibətlərə xələl gətirəcəyindən və hətta “ölkələri Rusiya və Çinin qucağına almağa məcbur edəcəyindən” qorxur.

Avropalı diplomat nəşrə deyib: “Biz birbaşa böyük potensial risk daşıyan və bu şirkətləri, xüsusən də Mərkəzi Asiyada Putinin qucağına girməyə sövq edə biləcək cəza tədbirlərinə keçmək istəmirik”.

Bu qorxuları aradan qaldırmaq üçün Komissiya sənədin mətninə sanksiyaların yalnız son çarə kimi tətbiq ediləcəyini nəzərdə tutan əlavə təminatlar daxil edib. Ekspertlərin fikrincə, belə bir qərar Aİ-nin yeni sanksiya alətini faktiki olaraq səmərəsiz edir.

Aİ-nin yeni 11-ci anti-Rusiya sanksiyalar paketi bu ərəfədə qüvvəyə minib. Yeni paket üçüncü ölkələrdən olan 87 şirkət, 100 fiziki şəxs, bir sıra KİV və bəzi firmalar üçün məhdudiyyətlər nəzərdə tutur.

Rusiya Xarici İşlər Nazirliyi iyunun 23-də Aİ-nin tətbiq etdiyi 11-ci sanksiyalar paketinə cavab olaraq bildirib ki, Moskva Rusiya Federasiyasına girişi qadağan olunmuş Aİ nümayəndələrinin siyahısını xeyli genişləndirib.

Nicat