Hazırda Rusiya və Qətər hakimiyyəti ümumi dəyəri 160 milyard rubldan çox olan birgə layihələr üzərində işləyir. Söhbət Moskva ilə Doha arasında investisiya sahəsində əməkdaşlığın genişləndirilməsindən gedir. 

Valyuta.az xəbər verir ki, bu haqda TASS Rusiyanın baş naziri Mixail Mişustinə istinadən bildirib.

İndi Rusiya Birbaşa İnvestisiya Fondu (RDIF) ilə fəal tərəfdaşlıq inkişaf etdirilir. Bundan əlavə, Qətər İnvestisiya Agentliyinin rəhbərliyi Rusiya Federasiyasının böyük şirkətlərinə investisiyaları artırır, - baş nazir Qətərin xarici işlər naziri Məhəmməd bin Əbdül Rəhman Əl Tani ilə danışıqlar zamanı deyib.

"Dəyəri 160 milyard rubldan və ya 7,2 milyard Qətər rialından çox olan bir sıra digər birgə layihələr üzərində iş gedir", - Mişustin yekunlaşdırıb.

İyunun 21-də Qətərin Baş naziri, Xarici İşlər Nazirliyinin (XİN) rəhbəri Məhəmməd bin Əbdül Rəhman Əl Tani bildirib ki, Rusiya enerji bazarında, ərzaq təhlükəsizliyi sahəsində, eləcə də müxtəlif növ məhsulların dünya bazarına çıxarılmasının təhlükəsizliyi baxımından mühüm rol oynayır. Xarici İşlər Nazirliyinin rəhbəri Rusiyanın baş naziri Mixail Mişustinə iki ölkə arasında yuxarıda qeyd olunan sahələrdə əməkdaşlığı inkişaf etdirməyi təklif edib.

Nicat