Sakit okeanda El Nino hava hadisəsi başlayıb. 

Valyuta.az ABŞ Milli Okean və Atmosfer Administrasiyasına  (NOAA) istinadən xəbər verir ki,  bütün planetə təsir edən hava hadisəsi önümüzdəki aylarda yavaş-yavaş təsirini artıracaq.

NOAA-dan iqlim mütəxəssisi Mişel L'Heureux açıqlamasında El Nino-nun gücündən asılı olaraq dünyanın bəzi yerlərində quraqlıq riskinin artması proqnozlaşdırılır. Bu güclü yağış kimi müxtəlif mənfi təsirlərə səbəb ola və temperatur rekordunu qıra bilər. 

ABŞ Milli Aeronavtika və Kosmik Tədqiqatlar İdarəsinin (NASA) isə may ayında "Sentinel-6 Michael Freilich" adlı peykdən əldə edilən məlumatına görə, Sakit Okeanın ekvatorial hissəsində El Nino-nun inkişaf əlamətləri görünür. El Nino-nun Afrika, Avstraliya və Asiya qitəsinin bəzi bölgələrində quraqlığa, Hindistanda musson yağışlarının zəifləməsinə, Amerika qitəsinin cənub və mərkəzi hissələrində güclü yağışlara səbəb olacağı gözlənilir.

İngilis elm adamları isə əldə edilən məlumatlara görə hazırda El Nino-nun gücləndiyini və 2023-cü ilin sonunda ən güclü vəziyyətinə gələcəyinin təxmin edildiyini, 2024-cü ildə qlobal temperatur rekordunun qeydə alınacağını proqnozlaşdırırlar.

ABŞ Milli Meteoroloji Xidməti bildirir ki, El Nino hava hadisəsi ekvatorun yaxınlığında Sakit okeanın mərkəzi və şərq hissələrində orta hesabla hər 2-7 ildən bir baş verən orta dəniz səthinin temperaturu ilə özünü göstərən iqlim hadisəsidir.

Paşa Məmmədli