Dünya Bankı Kaxovka SES-in dağıdılması nəticəsində dəymiş ziyanın sürətləndirilmiş qiymətləndirilməsini aparacaq, həmçinin Ukraynanın bərpa ehtiyaclarını hesablayacaq.

Valyuta.az xəbər verir ki, bu barədə Dünya Bankının Əməliyyatlar üzrə İdarəedici Direktoru Anna Bjerde Twitter səhifəsində məlumat verib.

“Kaxovka SES-in dağıdılması əsas xidmətlərin göstərilməsi və ümumilikdə ətraf mühit üçün çox ciddi nəticələrə malikdir. Dünya Bankı RDNA-nın son işinə (Rapid Dage and Recovery Needs Assessment, red.) əsaslanan sürətli qiymətləndirmə ilə Ukraynaya dəstək verəcək”, - deyə o yazıb.

Bundan əvvəl Ukrayna hökuməti, Dünya Bankı Qrupu, Avropa Komissiyası və BMT 24 fevral 2023-cü il tarixinə Ukraynanın bərpa ehtiyaclarının qiymətləndirilməsini 2022-ci il iyunun 1-nə olan 349 milyard dollardan 411 milyard dollara qaldırmışdı.

İyirmi müxtəlif sektorda müharibənin təsirlərinin hərtərəfli icmalını təqdim edən İkinci Sürətli Zərər və Bərpa Ehtiyaclarının Qiymətləndirilməsinə (RDNA2) əsasən, Ukraynanın prioritet bərpası üçün 2023-cü ildə 14 milyard dollar investisiyaya ehtiyacı olacaq. O zaman - 2022-ci il sentyabrın əvvəlində dərc edilmiş sürətli bərpa ehtiyacı 17 milyard dollar hesablanmışdı ki, bunun da 3,4 milyard dolları 2022-ci ilə düşür.

Nicat