LVMH Moët Hennessy-Louis Vuitton-un qurucusu, dünyanın ən varlı adamı Bernard Arnault səhmlərinin çökməsi səbəbindən bir gündə 11,2 milyard dollar sərvətini itirib. 

Qaynarinfo xəbər verir ki, bu barədə "Bloomberg" məlumat yayıb.

LVMH səhmləri zəifləyən ABŞ iqtisadiyyatının dəbdəbəli mallara tələbi azaldacağı qorxusu ilə 5% ucuzlaşıb.

Bloomberg-in milyarderlər indeksinə görə, fransalı milyarderin sərvəti 191 milyard dollardan çoxdur, həmin məbləğin 30 milyardı bu il qazanılıb.

Arno ilə dünyanın ikinci ən varlı adamı olan Tesla Inc-in sahibi İlon Maskın sərvətləri arasındakı fərq 11,4 milyard dollara qədər azalıb.