"Microsoft Corp"a (MSFT.O) məxsus sosial media şəbəkəsi "LinkedIn" bazar ertəsi 716 işçisini ixtisar edəcəyini, eyni zamanda Çinə yönəlmiş vakant müraciətlərini bağlayacağını açıqlayıb.

Valyut.az xəbər verir ki, 20 min işçisi olan "LinkedIn" zəifləyən qlobal iqtisadi mənzərə fonunda işçilərini ixtisar etməklə digər böyük texnologiya şirkətlərinə qoşulur.

Belə ki, ixtisarları izləyən "Layoffs.fyi" platformasının məlumatına görə, son altı ayda qlobal miqyasda 270 mindən çox texnologiya sahəsi üzrə iş yeri ixtisar edilib.

"LinkedIn"in baş direktoru Rayan Roslanski işçilərə ünvanladığı məktubda satış, əməliyyatlar və dəstək qruplarında ştatların ixtisar edilməsinə yönəlmiş addımın şirkətin əməliyyatlarını sadələşdirmək məqsədi daşıdığını söyləyib.