Son həftələrdə ABŞ-ın bank sektorunda vəziyyət sabitləşib.

Valyuta.Az xəbər verir ki, bu bəyanatla cümə günü ABŞ-ın maliyyə naziri Canet Yellen çıxış edib.

“Ötən ay hökumət iki regional bank institutunun iflasa uğramasının nəticələrini aradan qaldırmaq üçün lazımi tədbirlər gördü. Məqsədimiz ciddi “yoluxma” riskini azaltmaq, o cümlədən bank sistemini, iqtisadiyyatı daha geniş miqyasda qorumaq idi. Son bir neçə həftə ərzində vəziyyət sabitləşdi”, - deyə o qeyd edib.

Eyni zamanda o, etiraf edib ki, ABŞ administrasiyası hələ də bank sektorunda baş verənləri izləyir. “Əlbəttə, biz ayıq-sayıq qalmaqda davam edirik və vəziyyəti diqqətlə izləyirik”, - deyə Maliyyə Nazirliyinin rəhbəri bildirib.